روکپتی بلوچستان ءَ گوستگیں دو روچانی توک ءَ پنچ مردم آوار جنگ ءَ پد بیگواہ کنگ بیتگ اَنت-
سر بیتگیں اھوالانی رد ءَ روکپتی بلوچستان ءِ بنجاھی شھر زاھدان ءَ ایرانی چیریں ادارھاں دو مردم دزگیر کنگ ءَ پد بیگواہ کرتگ اَنت-
گیشیں اھوالانی رد ءَ زاھدان ءَ ایرانی چیریں ادارھاں بیست ءُ دو سالیگیں فرشید ریکی ء مھمد ءُ سی ءُ پنچ سالیگیں ھمزہ ریکی ء بلوچ ھان جھمنند زاھدان آوار جتگ ءُ بیگواہ کتگ اَنت-
اھوالانی رد ءَ گوستگیں روچ ءِ ساھت دَہ ءَ ایرانی لشکر ءَ زاھدان ءَ ھمزہ ءِ لوگ ءَ بیڑ برتگ ءُ اود ءَ ھمزہ ءُ فرشید آوار جتگ ءُ گون وت برتگ اَنت-
اھوالانی رد ءَ ھردوک لٹ ءُ کُٹ کنگ ءَ پد ایرانی لشکر ءَ گون وت برتگ اَنت- چریشی ءَ پد آیانی درگت ءَ دگہ اھوال دیم ءَ نیتکگ اَنت –
زانگ بہ بیت گوستگیں دو روچانی توک ءَ اے پنچمی مردم اِنت چہ روکپتی بلوچستان ءَ آوار جنگ ءُ بیگواہ کنگ بوگ ءَ اَنت-