بلوچستان لبریشن فرنٹ ءِ جارکش میجر گوھرام بلوچ ءَ رسانکدراں شنگ کتگیں وتی درشانے ءَ گوشتگ کہ بی ایل ایف ءِ سرمچاراں کیچ ءِ دمگ تمپ اپسی کھن ءَ پوجی چوکی ءِ سر ءَ اُرش کتگ ءُ دو کارندہ کُشتگ اَنت –
آئی ءَ گوشتگ کہ سرمچاراں سَے جولائی ءِ شپ ءِ ساھت ھپت ءُ پنجاہ دمان ءَ اپسی کھن دزراہ ءَ کلبر ءِ مات بند ءَ ھستیں پاکستانی پوج ءِ چوکی اسنائپر ءُ نوکیں سلاھاں اُرش کتگ ءُ چریشی ءَ دو کارندہ ھما وھد ءَ مرتگ اَنت- ءُ چریشی ءَ پد پاکستانی پوج ءِ چوکی راکٹانی گون ءَ اُرش کتگ ءُ تباہ کتگ ءُ چریشی ءَ دشمنیں لشکر ءَ جانی تاوانانی دیمپانی کنگ کپتگ-
جارکش ءَ گوشتگ کہ بلوچستان لبریشن فرنٹ اے اُرش ءِ زمہ واری ءَ من ایت ءُ پوج ءِ سر ءَ اُرشاں داں بلوچستان ءِ آجوئی ءَ برجاہ دار ایت-