بلوچستان ءِ دمگ چاغی ءَ جرگہ ءِ پرمان ءِ پدءَ گمانی دروشم ءَ گیرت ءِ نام ءَ یک جنینے کُشگ بیتگ، وھدیکہ لیویز واکدارانی ردءَ گامگیج زیران ءَ وئیل ءَ ھواریں کُوشکار دزگیر کُتگ اَنت۔
اھوالانی ردءَ اولی جولائی 2023 ءَ چاغی ءِ ھنکین گردی جنگل ءَ جرگہ ءِ سروکے پرمان ءِ پدءَ جِنِک ( ش ر) گیرتءِ نام ءَ کُشگ بیتگ۔
اھوالانی گُشگ اِنت کہ چاگردی رسانکدرءَ ھال ءِ شنگ ءُ تالانی ءَ پد لیویز لشکریاں گامگیج زیراناں سید محمد ء باچا ماما نامی مردمے جھمنند گردی جنگل دزگیر کُتگ کہ آ گمانی پئیم ءَ وتی گھار ءَ گیرت ءَ نام ءَ کُشگ ءِ وئیل ءِ تہءَ ھوار اِنت۔
شاکر ء باچا ماما نامی جِنِکے برات اِنت کہ آ گمانی پئیم ءَ گیرت نام ءَ کُشگ بیتگ اَت بھتام کار جُست پُرس ءِ ھاترءَ چاغی لیویز تھانہ ءَ برگ بیتگ۔
لیویز ءِ گُشگ اِنت کہ وئیل ءَ ھواریں دگہ جرمکارانی دزگیری ھم زیت بیت اِنت وھدیکہ جرگہ ءِ سروک احمد شاہ نامی مردمے دزگیری ءَ چہ رکگ ءِ ھاترءَ داں اَنگت چیر اِنت۔