آواران ءُ تربت ءَ پاکستانی پوج ءِ سر ءَ اُرش، دو کارمندانی مرگ ءِ ھال

سربوتگیں ھالانی رِد ءَ کیچ ءِ بنجاھی شھر تربت ءِ دمگ ناصرآباد ءَ ناشناسیں سلاہ بندیں مردماں پاکستانی پوج ءِ پانگس ءِ سر ءَ راکٹ گولہ آس داتگ –

پولیس ءِ رِد ءَ تربت ءِ دمگ ناصر آباد ءَ ناشناسیں نیمگے ءَ راکٹ گولہ ءِ آس دیگ بوتگ کہ مزنیں تراکےءَ گوں پانگس ءَ لگ اِتگ ءُ ترک اِتگ –

کیچ ءُ کش ءُ گوری ھند ءُ دمگاں پیش ءَپاکستانی پوج ءِ سر ءَ بوتگیں اُرشانی زمہ واری بلوچ آجوئی لوٹوکیں گلاں منّ اِتگ انت –

سَے روچ ساری تربت ءَ پاکستانی پوج ءِ سر ءَ دگہ دابیں اُرشے کنگ بوتگ ات کہ آئی ءِ زمّہ واری بی ایل اے ءَ منّ اِتگ ءُ گوشتگ ات کہ اے اُرش مجید برگیڈ ءِ پدائی سمیعہ بلوچ ءَ کتگ کہ چریشی ءَ پد سرجمیں کیچ ءَ پھازگی انتزام ترند کنگ بوتگ انت –

دومی نیمگ ءَ چہ آواران پیراندر گلامو میتگ ءَ مشکے کنیرو ءَ چہ آواران ءَ آؤکیں پوجی گاڑیانی کاروان ءِ روبرکت ءِ وھد ءَ نشانگ کنگ بوتگ ـ اُرش ءِ آسر ءَ دو پوجی کارمندانی مرگ ءِ ھال واکداراں وت راست کتگ –

ھمے گوشگ بوگ ءَ انت کہ تراک ءَ پد آواران ءَ پوج ءُ ایمبولینس ھمے جاہ ءَ سر بوتگ انت –