زاھدان: پنچ سالاں بندیگیں بلوچ پاھو دیگ بیتگ

روکپتی بلوچستان ءِ بنجاھی شھر زاھدان ءَ پنچ سالاں بندیگیں بلوچے پاھو دیگ بیتگ-

اھوالانی رد ءَ زاھدان ءِ بندیگ جاہ ءَ یک بندیگیں بلوچے نشہ باپاری ءِ بھتام ءَ پاھو دیگ بیتگ –

پاھو دیگ بیتگیں مردم ءِ پجار مھمود رخشانی ء ھمزہ رخشانی ءِ نام ءَ زانگ بیتگ کہ آ زاھدان ءِ جھمنند گوشگ بوگ ءَ اِنت –

اھوالانی رد ءَ مھمود دوھزار ءُ ھژدہ ءَ نشہ ءِ باپاری ءِ بھتام ءَ دزگیر کنگ بیتگ ءُ پد ءَ آئی ءِ سر ءَ پاھو ءِ ھکم اتکگ بیتگ-

اھولانی رد ءَ آئی ءِ کھول گوستگیں شپ ءَ گڈی گند ءُ گدار ءِ ھاتر ءَ پون کنگ بیتگ اَنت گڑا آ بس تھنا بیست مِنٹ ءَ اجازت دیگ بیتگ اَنت –

زانگ بہ بیت روکپتی بلوچستان ءَ بندوکیں مردم اے سال ءَ بازیں کچے ءَ پاھو دیگ بیتگ اَنت کہ آیانی سر ءَ گیشتری بھر نشہ باپاری ءِ بھتام جنگ ءُ پاھو دیگ بیتگ اَنت –