بلوچستان: بیلہ ءَ دگ ءِ وئیل ءَ دو مردم بیران، تمپ ءَ لاش ءِ دست کپتگ

سربوتگیں ھالانی رِد ءَ بیلہ ءِ نزیک ءَ مساپر کشیں کوچے ءَ گوں ٹرکے ءَ ڈیک وارتگ چریشی ءَ زالبولے ءَ ھوار دو مردم بیران ءُ دھ زدگ بوتگ انت –

کوچ کراچی تاں شال ءَ رؤگ ءَ بوتگ، تیز رؤگ ءِ سوب ءَ ماں بیلہ ءِ نزیک ءَ کوچ ءَ گوں ٹرکے ءَ ڈیک وارتگ –

وئیل ءَ بیران بوتگیں لاش ءُ زدگ بوتگیں مردم بیلہ ءِ سول نادراھجاہ ءُ ریسکیو سنٹر 1122ٹیارہ ءَ برگ بوتگ انت کہ اودا درمان کنگ ءَ پد زدگ بوتگیں مردم کراچی ءَ دیم دیگ بوتگ انت –

دومی نیمگ ءَ چہ کیچ ءَ ھال آیگ انت کہ تمپ ءَ پھلے ءِ چیر ءَ یک مردمے ءِ دیرگیں لاش ءِ دست کپتگ –

لاش دست گرگ بوتگ ءُ پہ پجار ءِ ھاتر ءَ نادراھجاہ ءَ برگ بوتگ –