تربت ءَ پوج ءِ دست ءَ چار کسان سالیں زھگ بیگواہ

بلوچستان ءِ دمگ چہ کیچ ءَ پاکستانی پوج ءَ چار کسان سالیں زھگ آوار جنگ ءَ پد بیگواھی ءِ آماچ کتگ اَنت-

بیگواہ بیتگیں زھگانی پجار عبداللہ، شے مرید، پتہ ءُ مسلم ء عارف ءِ ناماں زانگ بیتگ اَنت-

بیگواہ بیتگیں زھگ عبداللہ، شَے مرید، پتہ چہ تعلیمی چوک تربت ءَ ءُ مسلم چہ بلیدہ زومدان ءَ دزگیر کنگ ءَ پد بیگواہ کرتگ اَنت-

کھولانی رد ءَ تربت ءَ بیگواہ بیتگین سکیورٹی پورس ءَ اورسیزکالونی تربت ءَ گوستگیں روچ ءَ دزگیر کنگ ءَ پد بیگواہ کرتگ اَنت-

ھرسئیں نودربر کہ ایشانی توک ءَ پانزدہ سالی ئین عبداللہ ء عبدالرھمان ماڈل اسکول تربت ءِ نودربرے ءُ ھمے سال میٹرکے چکاسے داتگ، سیزدہ سالیگیں شَے مرید ء مختار جھمنند بلیدہ ساچ اسکول ءَ وانگ اِنت، ھمے ڈول ءَ دَہ سالیگیں پتہ ء معیار جھمنند چیئرمین بازار کوچہ بلیدہ سال اسکول گلی ءَ وانگ ءَ اِنت –

کھولانی رد ءَ اے زھگانی اُمر پانزدہ سال ءَ برز نہ اِنت آیاں اے وڑ ءَ بیگواہ کنگ مازگی جیڑگاں چہ ڈن اِنت –

دومی چہ بلیدہ ءَ اھوال اَنت کہ زومدان ءُ چیئرمین رھمان بازار ءَ پوج ءَ بیڑ برتگ ءُ اود ءَ پوج ءَ کسان سالیں مسلم ء عارف آوار جنگ ءَ پد بیگواہ کتگ-