امارات ءَ 32 ملین درھم ءِ منی لانڈرنگ، 30 مردم دزگیر

متھدہ ارب امارات ءَ دبئی ءَ فوجداری ءِ آمیدگس ءَ منی لانڈرنگ ءُ لُچی ءِ پشدر ءَ یک ٹولی سزا ءِ دیمپان بیتگ-

سَی مردم ءُ ھپت ادارہ ھوار بوتگ اَنت – اے مردم انٹرنیٹ ءِ زور ءَ لُچی ایش کتگ ءُ منی لانڈرنگ ءَ دزمانجن بیتگ اَنت – سِی ءُ دو ملین درھم ءَ گیش منی لانڈرنگ اش کتگ-

الامارات الیوم ءِ رد ءَ آمیدگس ےزل منی لانڈرنگ ءَ ھواریں سِی مردم ناگتی دزگیر کتگ ءُ نود ءُ شش بندیگ کنگ ءِ سزا گوشدارینتگ – سزایانی سرجم بوگ ءَ ڈیھ ءَ چہ درکنگ ءِ ھکم دیگ بیتگ –

آمیدگس ءَ جرمکاراناں سِی ءُ دو ملین درھم ءَ گیش دیگ ءِ ھکم ھم داتگ بیتگ-

الامارات الیوم ءِ رد ءَ آمیدگس ءَ منی لانڈرنگ ءَ کارمرد بیتگیِ لیپ ٹاپ ءُ موبائل ھم دستیگ کنگ ءِ ھکم داتگ اَنت-

لُچی کنگ ءِ پژدر ءَ ھپت کمپناں ھپت لک درھم دیگ ءِ پابند کتگ ءُ سی ءُ دو ملین درھم ءَ گیش مُچ کنگ ءِ پیسلہ کتگ-

30 مردم ءُ 7 کمپنیاں ھواریں ٹولی ءَ لُچی ءُ ٹگی ءِ سر ءَ مردماں زر گپتگ اش – ڈیھ ءِ تہ ءُ ڈن ءَ جتا جتائیں مھکمہ ءُ بینکانی ملازمانی یک لک ءُ ھژدہ ناپجار ای میل جوڑ کتگ اَنت ءُ ھمے ای میلانی زور ءَ رھوت ءَ بیتگ اَنت-