مستونگ: ناشناسیں مردماں وانگجاھے ءِ سر ءَ دز بمب ءِ چگل داتگ

مستونگ ءَ ناشناسیں مردماں وانگ جاھے ءِ سر ءَ دز بمب ءِ چگل داتگ ءُ در شُتگ انت –

گیشیں ھالانی رِد ءَ بلوچستان ءِ دمگ مستونگ سراوان میتگ ءِ تعلیم فاؤنڈیشن گرائمر وانگ جاہ ءِ سر ءَ ناشناسیں مردماں دز بمب ءِ چگل داتگ ءُ در شتگ انت –

مستونگ ءِ واکدارانی رِد ءَ دزبمب ناشناسیں مردماں چگل داتگ کہ وانگجاھے چار دیوالی ءِ ڈن کپتگ ءُ ترک اِتگ – بمب تراک ءَ ھچ وڈیں جانی تاوان ءِ ھال نیست –

وئیل ءَ پد پولیس ءُ واکداراں وت ءَ وئیل جاہ ءَ سر کتگ ءَ جاہ بند کتگ ، گیشیں پٹ ءُ پول برجاہ انت –