بلوچستان ءِ دمگ ھزدار ءَ بیگواھیں مردم ءِ یل کنگ ءِ ھاتر ءَ شال کراچی ءِ شھدگ دَہ اداراں چہ بند اِنت، بازیں کچے ءَ گاڑیانی دراجیں لین لگ اتگ اَنت-
ھزدار ءِ ھند چہ وڈھ ءَ عبدالوحید ء عبدالحمید نامیں مردمے ءِ بیگواھی ءِ زھرشانی کنوکاں شال ءُ کراچی ءِ شھدگ بند کتگ –
چہ گوستگیں شپ ءَ بندی ءِ سبب ءَ بازیں کچے ءَ گاڑی مھتل اَنت ءُ گاڑیانی لین لگ اتگ ءُ بازیں کچے ءَ مساپر ھم ھمے میان ءَ مھتلی ءِ آماچ اَنت-
زھرشانی کنوکانی لوٹ اِنت کہ بیگواھیں مردم یل کنگ بہ بیت، داں انگت ءَ زھرشانی کنوکانی گپ ءُ تران ءَ سرکاری واکدار نیتکگ اَنت-