بالگتر ءَ پاکستانی پوج ءِ سر ءَ بوتگیں اُرش ءِ زمّہ واری بی ایل ایف ءَ منّ اِتگ

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدر ءَ وتی شنگ کرتگیں درشانے ءَ تہ ءَ گوشتگ کہ مئے سرمچاراں پنجگور ءِ دمگ بالگتر ءَ پاکستانی پوج ءِ بنجل ءِ سر ءَ اے ون گولہ آس داتگ انت –

جارکش ءِ رِد ءَ سرمچاراں یک شمبے ءُ دوشمبے ءِ میانی شپ ءَ بالگتر ءِ دمگ سھاکی ءَ برجاھیں پاکستانی پوجی بنجل ءِ سر ءَ اے ون گولہ آس داتگ کہ ھما ٹِک ءَ کپتگ انت ءُ چریشی ءَ زورگیریں پوج ءَ مزنیں کچے ءَ تاوان رستگ – اے بنجل یک وانگجاھے ءِ سر ءَ بوتگ –

میجر ءَ گوشتگ کہ بی ایل ایف اے اُرش ءِ زمّہ واری ءَ منیت ءُ مئے اُرش بلوچستان ءِ آجوئی ءَ تاں برجاہ مان انت –