بلوچستان ءِ دمگ پنجگور ءِ ھند نالگتر ءَ گوستگیں شپ ءَ ناشناسیں سلاہ بندین مردماں پاکستانی پوج ءِ چوکی نشانگ کتگ-
گیشیں اھوالانی رد ءَ بالگتر ءِ ھند سھاکی ءَ پاکستانی پوج ءِ چوکی ناشناسیں سلاہ بندیں مردماں نشانگ کتگ – دمگی مردمانی رد ءَ اُرش ءِ وھد ءَ دمگ ءَ ترندیں تیرگواری ءُ تراکانی توار ایش کنگ بیتگ اَنت-
دمگی مردمانی رد ءَ اُرش ءَ پوج ءَ تاوانانی دیمپانی کنگ کپتگ بلے واکدارانی نیمگ ءَ تنی وھدی دگہ اھوال دیم ءَ نیتکگ اَنت-
زانگ بہ بیت اے دمگ ءَ بلوچ سلاہ بندیں گل جاڑیگ اَنت ءُ گوست ءَ پوج ءِ سر ءَ ھم اے دابیں اُرش بیتگ اَنت – داں انگت ءَ اے اُرش ءِ زمہ واری کس ءَ پہ وت ءَ نہ زرتگ –