تیل ءِ پیداوار ءِ کمی ءِ سر ءَ جتا جتائیں لیکھاں ا بید سعودی عرب ءِ گون ءَ مھکمیں سیادی ھست اِنت – انتونی

امریکہ ءِ وزیر ھارجہ انتونی بلنکن ءَ گوشتگ سعودی عرب ءُ امریکہ ءِ میان ءَ یک دھکے ءَ گیش اِنت اسٹریٹجک ءِ سیادی مھکم اِنت ءُ نارازگی ءَ دور تچگ ءَ اِنت –

عرب نیوز ءِ رد ءَ الشرق نیوز ءَ گوں گپ کنان ءَ امریکہ ءِ وزیر ھارجہ ءَ گوشتگ کہ اوپیک پلس ڈیھاں تیل ءِ پیداوار ءِ کمی ءِ پیسلہ ءِ سر ءَ جتا جتائیں لیکھاں بیگ ءَ ابید ڈیھ ءُ امریکہ ھوار اَنت کار کنگ ءَ اَنت-

انتونی بلنکن ءَ گوشتگ کہ سکیورٹی، کمکی، انرجی ءُ ناشری ءِ سر ءَ مئے شریداری بازیں دھکاں برجاہ اَنت بلے ما ھرچی گند ایں کہ اے دور ءِ ٹپاس ءَ کن ایں ھردوکیں ڈیھانی لھتے جیڑھانی سر ءَ کار کنگ ءِ جوانیں وھد اِنت –

آئی ءَ گوشتگ کہ میانجی ءَ جاورانی ناگیگی ءِ کم بوگ ءَ ھردوکیں ڈیھانی گامگیج اِنت بلے سعودی عرب ءُ امریکہ ھردوک گوں دل ءُ ستک دگہ جیڑھانی سر ءَ کار کنان ءُ پیداک اَنت-

آئی ءَ گوشتگ کہ ایشانی توک ءَ لھتے ھنچیں جیڑہ ھوار اَنت آیانی نا ایوک ءَ مئے مردم بلکیں سرجمیں دنیا ءَ ناوشی اِنت آیانی توک ءَ جانسلامتی، سکیورٹی، مولمی پھریز، انرجی سکیورٹی، فوڈ سکیورٹی، چاگرد دوست دیمروی ءُ دیمروئی کنوکیں ٹیکنالوجی ھوار اَنت-

چین ءِ کمک ءَ سعودی عرب ءُ ایران ءِ میان ءُ بیوکیں مسام ءِ درگت ءُ انتونی ءَ گوشت کہ چین ءَ ھوار کجام ھم ڈیھ ءِ نیمگ ءَ دمگ ءَ ایمنی آرگ جوانیں گامیجے –

آئی ءَ گوشتگ کہ ھرچی بیتگ وَ بیتگ ایشانی نی وش اتک اِنت کجام ھم گام ناگیگیں جاوراں گھتر کنت جوان اِنت، سعودی عرب ءُ ایران بازیں سالاں چہ اے کچ ءَ سر بیتگ اَنت کہ گپ ءُ تران بہ کن اَنت – ما دیم ءَ چاریں –