اوتھل: بازیں میتگاں دل ءُ لاپ ءِ نادراھی تالان بوتگ

لسبیلہ ءِ ہیدکوارٹر اوتھل ءِ دمگ ریٹالڑہ ءِ بازیں میتگاں دل ءُ لاپ ءِ نادراھی تالان بوتگ –

گیشیں ھالانی رِد ءَ آدینگ ءِ شپ ءَ لسبیلہ ءِ ہیڈکوارٹر اوتھل ءِ دمگ ریٹالرہ ءِ میتگاں دل ءُ لاپ ءِ نادراھی تالان بوتگ – اے ھال ءِ شنگ بوگ ءَ اوتھل ءِ ڈی ایچ او عبدالحمید بلوچ ءُ ڈی ایس ایم پی پی آیچ آئی ریحان حمید بلوچ ءَ گامگیج زرتگ ءُ میڈیکل ءُ پیرامیڈیکل ءِ ٹولی جوڑ کتگ ءُ سانمندیں میتگ علی محمد بلوچ گوٹھ، شیر محمد گنگہ گوٹھ، بلال خاصخیلی گوٹھ، ریٹالڑہ ءُ ایندگہ میتگاں دیم داتگ انت – اے ٹولیانی سربوگ ءَ الاج بندات کنگ بوتگ کساس ھپتاد ءُ دو مردم چیک کنگ بوتگ انت کہ آھانی تہ ءَ گیشتریں مردمانی جاور نگیگ بوتگ انت کہ اُتل ءِ نادراھجاہ ءَ برگ بوتگ انت –

اے درگت ءَ اوتھل ءِ ڈی ایچ او عبدالحمید بلوچ ءُ ڈی ایس ایم پی پی آیچ آئی ریحان حمید بلوچ ءَ گوشتگ کہ ھنچوش کہ مارا ھال سربوتگ ما اپسرانی سروکی ءَ یک میڈیکل ٹولی ءِ اڈ داتگ ءُ سانمدیں میتگاں دیم داتگ انت ءُ آ کہ اود ءَ سر بوتگ انت الاج ءِ بندات کتگ – سیمپل گرگ بوتگ انت ءُ نوں جاور گیگ ءُ گوم انت ءُ جانسلامتی ءِ واکدار ءُ لسبیلہ ءِ پی پی ایچ آئی جھد کنگ ءَ انت کہ زوت نادراھی گر ءُ دار کنگ بہ بیت انشاء اللہ ما سوبمند بہ ایں –

وھدیکہ دمگاں مردماں ھم آھانی زوت گامگیج زورگ ءِ ستاء کتگ ءُ گوشتگ کہ ما ڈاکٹر عبدالحمید ءُ ریحان حمید بلوچ ءِ منت واریں کہ آیانی ٹولیاں وت ءَ زوت سرکتگ ءُ گیسٹرو ءِ نادراہ الاج کتگ انت –