ھمے سال ءَ مِس ورلڈ ءِ دیم پہ دیمی امارات نہ بیت انڈیا ءَ کنگ بیت اِنت

ھمے سال ءِ جار ءِ پد ءَ مس ورلڈ ءِ ایونٹ نی متھدہ ارب امارات ءَ کنگ ءَ ابید ھندوستان ءَ برجم دارگ بوگ ءَ اِنت-

عرب نیوز ءِ رد ءَ مس ورلڈ دوھزار ءُ بیست ءُ سَے ءِ ایونٹ ءَ یک نوکیں ڈیھے رس اتگ – چار ماہ ءَ پیش ایشی ءِ سروکاں جار جتگ ات کہ مس ورلڈ سال دوھزار ءُ بیست ءُ سَے امارات ءَ کنگ بیت اِنت بلے نی دیم ءُ اتکگ کہ امارات ءَ نہ بیت اِنت یک دگہ ڈیھے ءَ آ انڈیا ءِ اِنت ھمود ءَ کنگ بیت اِنت-

مس ورلڈ ءِ ایونٹ ءِ انڈیا ءَ کنگ ءِ جار پشمبے ءِ روچ ءَ نئی دھلی ءَ بیتگ کہ اود ءَ مس ورلڈ ےِ ارگنائزیشن ءِ چیئرپرسن ءُ چیف ایکزیکٹو جولیا مورلے ءَ سال دو ھزار ءُ بیست ءُ دو ءَ ورلڈ کیرولینا بیلاسکا ءُ دوھزار ءُ بیست ءُ دو ءِ مس ابڈءا ورلڈ سِنی شیٹھی جاڑیگ بیتگ اَنت –

مس ورلڈ آرگنائزیشن ءَ وتی انسٹاگرام پوسٹ ءَ نبشتہ کتگ کہ انڈیا ءَ اے گچینی داد دیگ ءِ پیسلہ اے ڈیھ ءِ شوک ءُ سینگاریں دودمانانی وارس، انڈیا ءَ جتا جتائیں دودانی دارگ ءُ زالبولانی وت واک کنگ ءِ گچینی ءَ کنگ بیتگ –

مس ورلڈ ءِ ھپتاد ءُ یکمی ایڈیشن ھمے سال ءِ نومبر ءَ داں کنگ ءِ جار جنگ بیتگ داں انگت ءَ ھلاسی ءِ جار جنگ نہ بیتگ –

مس ورلڈ دوھزار ءُ بیست ءُ دو کیرولینا بیلا سکا گوش ایت سرجمیں دنیا ءَ انڈیا ءِ مھمانداری جوانترین اِنت من دومی رند ءَ اد ءَ اتکگ اں من ءَ ھنچش سما بوگ ءَ اِنت من وتی لوگ ءَ آں –

انڈیا ءَ گڈی بر ءَ سال نوزدہ سد ءُ نود ءُ شش ءَ مس ورلڈ ءِ رھشونی کتگ بیتگ – بینگلور ءَ بیوکیں آ ایونٹ ءَ یونان ءَ سیادی داروکہں ایریم سکلیوا ءَ اے دیم پہ دیمی ءَ اے شرنگی کٹ اتگ-

دومی نیمگ ءَ داں انگت ءَ شش ھندوستانی زالبولاں اے گچینی داد کٹ اتگ کہ آیانی توک ءَ 1966 ءَ ریٹا فاریہ، 1994 ےَ ایشوریہ رائے بچن، 1997 ءَ ڈیانا بیڈن، 1999 ءَ یُکتا موکھی ءَ، 2000 پرینکا چوپڑا ءُ 2017 ءَ مانوشی چِلر ءِ ھوار اَنت-

گوستگیں سال ءَ مس ورلڈ ءِ دیم پہ دیمی ءَ پیورٹوریکو ءَ بیتگ کہ اود ءَ پولینڈ ءَ سیادی داروکیں کیرولینا بیلاسکا ءَ مس امریکہ ءِ رنراپ شری سینا ءُ آئیوری کوسٹ ءَ اولیویا یاس پروش داتگ ات-