زری توپان ءِ دیم مٹ اتگ ءُ پاکستان ءِ زری دمگاں دیم ءَ دیگ اِنت

توپان ءِ دیم مٹ بوتگ ءُ پاکستان ءِ زری دمگاں دیم ءَ دیگ اِنت، ھور ءُ جمبری ءِ سبب ءَ لوھڑانی برزی بیست ءُ بیست ءُ ھشت فٹ ءِ بوگ ءِ گمان

مھمکہ موسمیات ءِ رد ءَ توپان گوریچانی روکپت ءِ نیمگ ءُ ابید نی رودراتکی گوریچان ءِ نیمگ ءَ دیم ءَ دیگ ءَ اِنت –

اگاں توپان ءِ دیم ھمے وڑ بوت اَنت گڑا پاکستان ءِ زری دمگاں تاوان بوگ ءِ گمان اِنت، اے توپان ءِ نیزرو بوگ ءَ ابید گیش بوان اِنت-

توپان ءَ دوازدہ ادار ءَ رودراتکی گوریچانی نیمگ ءَ سپر کتگ – مھکمہ موسمیات ءَ گوشتگ کہ اے توپام یازدہ سد کلومیٹر ءِ ترندی ءَ کراچی ءِ گوریچانی رودراتک ءَ جاڑیگ اِنت – توپان ءِ سر یک سد ءُ سِی ءَ داں یک سد ءُ شست کلو میٹر یک ادارے ءِ توک ءَ ترندیں گواتانی ھواری ءَ روگ ءَ اِنت –

مھکمہ موسمیات ءِ رد ءَ روچ نمبی ءِ سبب ءَ لوھڑانی برزی بیست ءُ پنچ ءَ داں بیست ءُ ھشت فٹ ءِ برزی ءَ بوگ ءِ گمان اِنت –