سر بیتگیں ھالانی رد ءَ روکپتی بلوچستان ءِ راسک ءُ مورتان سیمسر ءَ ایرانی لشکر ءِ تیرگواری ءَ زدگ بیتگیں ورناہ بیران بیتگ-
ھالانی رد ءَ گوستگیں روچ ءَ مورتان سیمسر ءَ ایرانی لشکر ءَ تیرگواری کنان ءَ نواب نوھانی زدگ کتگ ات ءُ چریشی ءَ مروچی آئی ءَ نادراہ جاہ ءَ ٹپ نہ سگ اتگ ءُ بیران بیتگ-
زانگ بہ بیت گوستگیں روچ ءَ نواب ءِ ھمراھی ءَ لاھی بخش کلمتی نامیں ورنایے بیران بیتگ ات ءُ عارف نامیں ورنایے لشکر ءَ آوار جتگ ءُ برتگ ات-
ھالانی رد ءَ تیرگواری ءِ سبب گاڑی ءَ تیل مان بیتگ ءُ سیمسری لشکر ءَ گاڑی ءِ سر ءَ تیرگواری کرتگ ءُ چریشی ءَ چہ الاھی بخش کلمتی ھما جاہ ءَ بیران بیتگ ات ءُ نواب نوھانی زدگ بیتگ ات-