زاھدان ءَ زھرشانی، پنچ مردم بیگواہ

روکپتی بلوچستان ءِ بنجاھی شھر زاھدان ءَ ھمک آدینگانی وڑ ءَ اے آدینگ ءَ ھم زھرشانی کنگ بیتگ-

زھرشانی آدینگ ءِ نماز ءَ پد بیتگ کہ اود ءَ مردماں بیگواھی، جمعہ خونین ءُ دگہ جیڑھانی سر ءَ زھرشانی کتگ –

زھرشانی ءَ مردمانی دستاں بینر، تاک ءُ نماز ءِ وھد ءَ بندیگیں مردمانی درگت ءَ نبشتگیں تاک دست ءَ بیتگ اَنت کہ آیانی بیگواھیں مردمانی یل کنگ ءِ درگت ءَ لبز نبشتگ بیتگ اَنت-

آیاں زھرشانی ءَ اوگام جنان ءَ گوشت ’ ما کُشتگیں مردمانی گون ءَ یکشل ءَ اوشتوک اِنت، ما ھمے واستا مریں مئے برات کُشگ بیتگ اَنت ‘ آیاں سرکار ءِ ھلاپ ءَ جتا جتائیں اوگام جتگ اَنت-

ھمے وڑ ءَ زھدان ءِ ھند شیر آباد ءَ ایرانی چیریں ادارھاں بیڑ برتگ ءُ پنچ مردم آوار جتگ ءُ برتگ اَنت-

آوار جنگ بیتگیں سَے مردمانی پجار عبداللہ خروٹ، ابراھیم گورگیج ءُ حامد گورگیج ءِ ناماں زانگ بیتگ اَنت ءُ دگہ دو کسانی پجار زانگ نہ بیتگ اَنت-

اھوالانی رد ءَ لس پوشاکی مردماں بیڑ برتگ ءُ اے پنچیں مردم لٹ ءُ کُٹ کنان ءَ آوار جتگ ءُ برتگ اَنت-

اھوالانی رد ءَ لس پوشاکی مردماں بازیں ورنا پٹ ءُ پول کنگ ءَ پد اے پنچیں مردم لٹ ءُ کُٹ کتگ ءُ گون وت برتگ اَنت-