چہ ھزدار ءَ زورانسری بیگواھی ءِ آماچیں جاوید بلوچ یل کنگ بیتگ-
پاکستانی پوج ءِ دست ءَ دزگیری ءَ پد بیگواھیں جاوید بلوچ ء بشیر اھمد یل بیتگ، آئی ءِ یل بیگ ءِ ھال بلوچستان ءَ بیگواھیں مردمانی گوانک وائس فار بلوچ مسنگ پرسنز ءَ کتگ-
زانگ بہ بیت جاوید بلوچ گوستگیں ماہ چار مئی ءَ ھزدار ءَ بولان کالونی ءَ وتی دکان ءَ چی سیکورٹی لشکر ءَ دزگیر کتگ ءُ گون وت برتگ بیتگ کہ چریشی ءَ پد آ بیگواہ بیتگ-
جاوید بلوچ ءِ یل کنگ ءِ ھاتر ءَ نودربر گلانی نیمگ ءَ ھم زھرشانی کنگ بیتگ اَنت-