زابل ءِ جھمنند ماں زاھدان ءَ پاھو دیگ بیتگ

روکپتی بلوچستان ءِ بنجاھی شھر زاھدان ءَ گوستگیں روچ ءَ یک بندیگیں مردمے پاھو دیگ بیتگ-

گیشیں اھوالانی رد ءَ زاھدان ءَ زابل ءِ جھمنندیں چِل ءُ پنچ سالی ئیں حافظ علی دوست براھوئی پاھو دیگ بیتگ –

علی دوست اوگانستان ءِ سیمسر ءُ روکپتی بلوچستان ءَ سیمسری اُستان زابل ءِ جھنند اِنت-

علی دوست ایرانی سال 1400 ءَ وتی لوگ بانک ءِ کوش ءِ بھتام ءَ دزگیر کنگ بیتگ –

اھوالانی رد ءَ علی دوست براھوئی ءَ وتی لوگ بانک ءِ کوش ءِ بھتام وتی سر ءَ باز بر ءَ رد کتگ بلے آئی ءِ سر ءَ پَدی ءَ ایرانی آمیدگس ءَ آئی ءِ پاھو دیگ ءِ ھکم داتگ ءُ آ گوستگیں روچ ءَ ماں زاھدان ءِ زندان ءَ پاھو دیگ بیتگ-

اھوالانی رد ءَ علی دوست ءِ کھول ءِ مردماں دو روچ پیش آئی ءِ گڈی گندگ کتگ بیتگ-