روکپتی بلوچستان ءِ دمگ سرباز ءَ ناگتی مچکدگ ءَ آس کپتگ ءُ بازیں مَچے آس ءَ وتی لپیٹ ءَ گپتگ اَنت-
گیشیں اھوالانی رد ءَ سرباز ءِ ھند کُجوم دچار ءَ گوستگیں بیگاہ ءَ ناگتی یک مچکدگے ءَ آس کپتگ ءُ مَچکدگ ستکگ اَنت-
دمگی مردمانی رد ءَ گوسگیں بیگاہ ءَ کُجوم کور لمب ءَ یک مچکدگے ءَ آس کپتگ کہ اود ءَ بازیں مَچے ستکگ ءُ پُر بیتگ اَنت-
آس کپگ ءِ سبب زانگ نہ بیتگ،دمگی مردمانی رد ءَ آس کُش ءِ نہ بوگ ءِ سبب ءَ آس ءَ بازیں مَچ وتی لپیٹ ءَ کتگ ءُ ستکگ اَنت-
زانگ بہ بیت روکپتی بلوچستان ءَ گوست ءَ ھم چوشیں وئیل پیش اتکگ بیتگ اَنت بلے اے دابیں وئیلانی آسر دیم ءَ نیتکگ اَنت-