امریکہ خلیج ءَ وتی پارٹنرزانی گون ءَ مسامبندی ءِ سر ءَ اوشتوک اِنت – بلنکن

امریکہ ءُ خلیجی کمکی کونسل (جی سی سی) ءِ ڈیھاں اسٹراٹیجک ھمسنتی ءِ بنگپ ءَ وزارتی نیاد چارشمبے ءَ ریاض ءُ جی سی سی سکریٹریٹ ءَ برجم دارگ بیتگ –

سرکاری ھال سرکنوکیں ادارہ ایس پی اے ءِ رد ءَ نیاد ءِ بنگپ جوانیں دمگی گچینتریں یمن، سوڈان، شام ءُ فلسطین ءِ جیڑھانی سر ءَ بنگپ بیتگ –

سعودی وزیر ھارجہ شھزادہ فیصل بن فرحان نیاد ءَ ھوار بیتگ – وزرائے ھارجہ ءِ ھمسنتی خلیج ءِ جد ءُ جھد ءِ دیمروئی ءُ جتا جتائیں پھناتاں اے نوکیں دور ءِ سر ءَ جتائیں دروشماں درشانینگ بیتگ-

چریشی ءِ ھواری ءَ خلیجی، امریکہ ءِ جھدانی گیش کنگ ءُ جتائیں دمگی میان اُستمانی جیڑھانی کمکانی بنگپانی سر ءَ باوست بیتگ اَنت-

نیاد ءَ امریکہ ءُ خلیج ءِ ڈیھاں ھبناکی ءِ بازیں پالیسی ءُ امن ءِ جیڑھانی سر ءَ گپ بیتگ اَنت-

بھر زیروکاں نیامجین ءُ سرجمیں دنیا ءَ پیش آیوکیں ناگیگیانی گیش ءُ گیوار کنگ ءِ جھدانی سر ءَ وتی وتی لیکہ درشان اتگ اَنت دانکہ میان اُستمانی امن ءُ سلامتی ءِ واستا کمک بہ رس ایت-

زانگ بہ بیت امریہ ءِ وزیر ھارجہ ءَ نیاد ءَ پیسر شعودی ولی عھد شھزادہ مھمد بن سلمان ءُ سعودی وزیر ھاجہ شھزادہ فیصل بن فرخان ءَ گند ءُ نند کتگ اَنت-

عرب نیوز ءُ العربیہ نیٹ ءِ رد ءَ اسٹریٹجک پارٹنرشپ ءِ سر ءَ امریکہ، خلیجی وزارتی نیاد ءِ بندات ءَ امریکہ ءِ وزیر ھارجہ ءَ گوشتگ کہ ترندیں گاماں جنزوکیں دمگی ھمسنتی ءِ وھد ءَ امریکہ ءَ وتی خلیجی پارٹنرزانی واستا پرکار اِنت – ءُ وتی مساماں اوشتوک بیت اِنت – بلنکن ءَ گوشتگ کہ امریکہ اد ءَ انیگ جاڑیگ اِنت ءُ اے کلوہ ءَ دیگ لوٹ ایت کہ ما درستاں یک جھلانکیں سیادمندی ءِ داشتگ –

جی سی سی ءِ ھواریں ڈیھ گیشتر مھکم، مپھوز ءُ وشھالیں میانجی ءِ واستا مئے وژن ءِ بنجل اِنت –

بلنکن ءَ گوشتگ کہ جی سی سی ءِ وزرا ءَ گوں گوشتگ کہ ما ھوار بہ ایں یمن ءِ جیڑہ ءِ واستا یک سیاسی راھے کش ایں میان اُستمانی آپبندانی سر ءَ زورگری ءَ ھوار ایران ءِ گیر مھکمی ءِ رویش ءِ دارگ ءِ واستا وتی کاراں برجاہ داریں-

آئی ءَ گوشتگ کہ ما شام ءَ یک ھنچیں سیاسی شونے درگیجگ ءَ پرکاریں آئی ءِ مھکم ءُ ھمسنتی ءَ برجاہ کنگ ءُ مھلوک ءِ لوٹاں سرجم کت بہ کنت-

امریکہ ءُ سعودی ءِ وزرائے ھارجھاں گند ءُ نند ءَ ناشری ءِ دیمپانی کنگ ءَ یمن ءِ دیریگیں امن ءِ آرگ، دمگ ءَ مھکم، کشت ءُ کوشانی تہ ءَ کمی ءِ آرگ ءَ ھوار بیگ ءُ کار کنگ ءِ مسام کتگ بیتگ-

آئی ءَ سوڈان ءِ جنگ ءِ ھلاس کنگ ءَ وتی مھکمیں کمک ءِ برجم دارگ ءِ مسام کتگ – امریکہ ءِ وزیر ھارجہ وتی سعودی ھم درور ءِ گون ءَ پشمبے ءِ روچ ءَ داعش گل ءِ ھلاپ ءَ برسرجنگ ءِ میدان ءَ ھواریں باسکی ڈیھانی گون ءَ ریاض ءَ بوھوکیں نیاد ءَ بھر زور ایت-