روکپتی بلوچستان ءِ دو جتا جتائیں جاھاں تیرگواری ءِ یک وئیلے ءَ یک مردمے بیران بیتگ ءُ یک تیل کشیں مردم دگ ءِ وئیل ءَ زدگ بیتگ –
سر بیتگیں ھالانی رد ءَ ایرانشھر ءِ ھند ایرندگان ءَ ناشناسیں مردماں تیرگواری کنان ءَ یک مردمے کُشتگ –
کُشگ بیتگیں مردم ءِ پجار رمضان گمشادزئی ء مھمد جھمنند ھاش ءِ نام ءَ زانگ بیتگ –
اھوالانی رد ءَ رمضان ءِ لاش گوستگیں روچ ءَ ایراندگان ءَ گندگ بوتگ کہ آ ناشناسیں مردماں تیر جتگ ءُ کشتگ-
دمگی مردمانی رد ءَ رمضان ءَ گوں کس ءَ دست ءُ داوا نہ بیتگ ءُ آ ھاش ءِ یک باپاری تکان بندوکیں مردمے بیتگ-
وئیل ءِ درگت ءَ دگہ گیشیں اھوال دیم ءَ نیتکگ اَنت-
ھمے وڑ ءَ چھبار ءَ یک تیل کشین گاڑی ءِ چپ بیتگ ءُ چریشی ءَ گاڑی ءِ دڑائیور زدگ بیتگ ءُ نادراہ جاہ ءَ برگ بیتگ-