بلوچستان ءِ دمگ ھُزدار ءِ ھند زھری ءَ پاکستانی پوج ءِ انگر ءَ کتگ ءُ شش مردم زورانسری بیگواہ کنگ بیتگ اَنت، دمگ ءَ ھال اھوالی آسراتی مھتل کنگ بیتگ-
زھری ءِ جتاجتائیں دمگ نورگامہ ، بلبل، چشمہ ، تراسانی، مشک ءِ کش گوراں پاکستانی پوج ءَ مروچی سُھب ءَ چہ انگر ءَ کتگ-
اِھوالکار ءَ ٹی بی پی ءَ گوں تران کنان ءَ گْوشتگ کہ ، اے وھد ءَ شش مردم ھم پوج ءِ کارندھاں آوار جتگ ءُ ناشناسیں جاھے ءَ برتگ اَنت کہ ٰآیانی تہ ءَ یکے ءِ پجّار یاسر ء گل محمد جھمنند بلبل زھری نام ءَ چہ بیتگ-
اِھوالکاراں گوشتگ کہ دمگ ءَ انٹرنیٹ ءَ ھوار موباھل نیٹورکس بند کنگ بیتگ اَنت وھدے کہ دمگی واکدارانی گپ دیم ءَ نیتکگ اَنت-