بلوچستان ءِ بنجاھی شھر شال ءَ تیرگواری ءِ وئیل ءَ یک زالبولے بیران بیتگ ءُ زھگاں ھوار پنچ مردم زدگ بیتگ اَنت-
تیرگواری ءِ وئیل شال ءِ دمگ ھزار گنجی ءِ ھند ءَ پیش اتکگ کہ تیرگواری ءِ یک وئیلے ءَ بیران زالبول ءِ پجار شبنم ء لاجیر ءِ نام ءَ زانگ بیتگ-
زدگ بیتگیں مردمانی پجار نازیہ ء دلیل خان، رھمت اللہ ءِ لوگ بانک شفیقہ، عبدالرحیم ءِ لوگبانک نادیہ، نور اللہ ءِ لوگ بانک شمکینہ ءُ گل مھمد ء شیر علی ءِ ناماں زانگ بیتگ اَنت-
زدگ بیتگین مردم ھسپتال ءَ برگ بیتگ اَنت ءُ گیشیں پٹ ءُ پول پولیس کنگ ءَ اِنت –