ھرنائی ءَ پاکستانی لشکر ءِ واستا آپ بروکیں گاڑی سر ءَ بیتگیں بمب اُرش زمہ واری بی ایل اے ءَ منّ اِتگ

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں ھرنائی ءَ زورگریں پاکستانی پوج ءَ آپ پُجارینوکیں گاڑی گوں بمب اُرش ءَ نشانگ کتگ-

جارکش ءَ گْوشتگ کہ سرمچاراں چپرلیٹ ءِ ھند ءَ دُژمن ءَ پوج ءِ پانگس ءِ واستا آپ پُجارینوکیں ٹریکٹر ٹینکر بمب اُرش ءَ نشانگ کتگ چریشی ءِ آسر ءَ ٹریکٹر تُرندی ءَ تاوان داتگ وھدے کہ اشی ءَ سوار کُمکاریں کارندہ ٹپی بیتگ-

گُڈی ءَ آئی ءَ گْوشتگ کہ بلوچ لبریشن آرمی اے اُرش زمہ واری ءَ منّ اِیت – زورگریں پوج ءَ سامان پُجارینوکیں ھرچ ھما مردم مئے نشانگ تہ ءَ اَنت-