انڈیا ءِ “شنگھائی تعاون تنظیم” ءِ سروکی ءَ نیاد آن لائن کنگ ءِ پیسلہ کنگ بیتگ

انڈیا ءَ گوشتگ “شنگھائی تعاون تنظیم” ءِ نیاد چار جولائی ءَ آن لائن کنگ بیت اِنت ءُ درملکی مردمانی زاتی بستار لوٹگ نہ بنت اِنت-

ھندوستان ٹائمز ءِ رد ءَ وزارت ھارجہ ءَ سَے شمبے ءِ روچ ءَ یک جارے جنان ءَ گوشتگ لہ شنگھائی تعاون تنظیم ءِ بیست ءُ دومی سروکی نیاد “ورچول فارمیٹ ” دارگ بوگ ءَ اِنت کہ ایشی ءِ سروکی سروزیر نریندر مودی کنت اِنت – بلے وزارت ھارجہ ءَ اے پیسلہ ءِ ھچ سبب نہ گشتگ اَنت-

روتاک ءِ رد ءَ اے درگت ءَ آشنائیں مردماں گوشتگ کہ آن لائن ءِ نیاد کنگ ءِ پیسلہ دوشمبے ءَ کنگ بیتگ ءُ اے وڑ نہ اِنت ایس سی او باسک ءِ ڈیھ ءِ شیڈول ءِ سبب ءَ اے پیسلہ زیرگ بیتگ-

چین ءُ روس ءِ چیردستی ءَ دھلی ءَ ستمبر ءَ بیوکیں جی 20 ءِ نیاد ءَ بھر زیرگی اِنت، اگاں ڈیھ سروکاں زاتی بستار دت اَنت ءُ لوٹ اَنت گڑا روس ءِ سروک ولادیمیر پوتن ءِ یوکرین ءِ سر ءَ اُرش ءَ پد انڈیا ءِ تر ءُ تاب بیت اِنت –

ھمے وڑ پاکستان ءُ چین ءِ چیردستی ءَ انڈین سروزیر ءِ گون ءَ گند ءُ نند ءِ گمان بیتگ بلے ایشی ءِ ھواری ءُ انڈیا ءِ سیادء سرد مھری ءِ آماچ اَنت-

چین ءِ گون ءَ انڈیا گوستگین چار سالاں لائن آف ایکچول کنٹرول ءِ سر ءَ اڑ اتگ اَنت، ءُ پاکستان ءِ گون ءَ ھم ناشری ءِ سر ءَ بازیں جیڑھانی دیمپانی بوگ ءَ انت ئِے –

انڈیا ءِ اے آن لائن نیاد ءِ واستا پاکستان، چین، کرغستان، قازقستان، روس، تاجکستان ءُ ازبکستان ءَ ھم لوٹگ بیتگ اَنت، ھمے وڑ ایران، بیلاروس ءُ منگولیا ءِ آبزرور اسٹیٹس ءِ رنگ ءَ لوٹ بیتگ اَنت ایس سی او روایات ءِ رد ءَ ترکمانستان ءِ گیسٹ آف چیئر ءِ رنگ ءَ لوٹی کنگ بیتگ اَنت-

اے درگت ءَ بنگپ” ٹوورڈز اے سکیور ایس سی او ” ءِ مٹ ایش انت کہ سکیورٹی، زرکاری ءُ باپاری رھوتکاری، وتواجھی ءِ شرپ ءُ مولمی، انڈین وزارت ھارجہ ءِ رد ءَ انڈیا گل ءِ سرجم کنگ ءُ بنھشت کنگ ءَ کرد ءِ پیلو کنگ ءَ دلجم اِنت –