زاھدان ءِ جھمندے ءَ ھوار سَے کس ماں کرمان ءِ بندیگ جاہ ءَ گوستگیں روچ ءَ پاھو دیگ بیرگ اَنت-
گیشیں اھوالانی رد ءَ پاھو دیگ بیتگیں مردمانی پجار قادر بخش دھانی پنام ءِ نادر بلوچ ء نادر جھمنند زاھدان، عبدالرسول جمشیدی جھمنند استان فارس، علی شھریار ءِ ناماں زانگ بیتگ اَنت-
اھوالانی تہ ءَ گوشگ بیتگ کہ ھرسئیں مردم نشہ باپاری ءِ بھتام ءَ گرگ بیتگ اَنت-
اھوالانی رد ءَ قادر بخش ایرانی سال سیزدہ سد ءُ نود ءُ ھپت ءَ گرگ بیتگ ءُ پد ءَ آئی ءِ سر ءَ پاھو اتکگ بیتگ-
عبدالرسول ھم ھمے سال ءَ گرگ بیتگ ءُ پد ءَ آئی ءِ سر ءَ پاھو اتکگ بیتگ بلے سیمی مردم ءِ درگت ءَ دگہ گپ دیم ءَ نیتکگ اَنت-
زانگ بہ بیت روکپتی بلوچستان ءَ ھوار ھوار ایران ءِ دگہ اُستاناں چیزے ماھانی توک ءَ پاھو دیگانی توک ءَ گیشی گندگ ءَ اتکگ –