بلوچ ریپبلکن گارڈز ءِ جارکش دوستین بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں مروچی صحبت پور ءِ دمگ عادل پور ءَ یک اُرشے ءَ زورگریں پاکستان ھمبھریں ادارہ پولیس ءِ آپیسر میر محمد کھوسہ کُشتگ-
آئی ءَ گْوشتگ کہ سرمچاراں ایس ایچ او ھما وھد ءَ نشانگ کتگ وھدے آ دمگ ءَ گشت کنگ ءَ بیتگ اَنت، اُرش دگہ دو پولیس کارندہ ھم ٹپی بیتگ اَنت-
جارکش ءَ گْوشتگ کہ کُشگ بیتگیں آپیسر بازیں مدتے ءَ تچکی ءَ زورگریں پوج ءُ چیریں ادارھانی گوشگ پد ءَ بلوچ جُھد آجوئی ءِ بگیری ءَ پُرکار بیتگ- اشی ءَ اَبید آ صحبت پور ءُ کش گوراں بلوچانی زورانسری آوار جنی، بلوچ راج ءَ زر گرگ ءَ ھم دست مان بیتگ-
آئی ءَ گْوشتگ کہ صحبت پور ءَ ھوار دگہ دمگاں زورگریں پاکستانی پوج ءِ گوشگ پد ءَ بلوچ راجی جُھد ءِ بگیری ءَ کار کنوکیں پولیس کارندھاں ما کڈن کن ایں کہ آ اے وڑیں کاراں یل بکن اَنت، پولیس ءُ لیویز فورس بلوچ بوگ ءِ سوب ءَ ھیال دارگ بوتگ اَنت بلے زورگر ءِ گوشگ ءِ پد ءَ کار کنوکانی گوم ءَ دُژمنیں پوج وڑ ءَ چارگ بنت-
جارکش ءَ گُڈی ءَ گوشتگ کہ بلوچ راجی جُھد تاں مئے اُرش برجاہ بنت-