گوادر: دگ ءِ وئیل ءَ ایف سی کارمند ءِ مرتگ ءُ بیست ءُ ھپت زدگ بوتگ انت

بلوچستان ءِ تیاب دپی دمگ گوادر ءَ پاکستانی پھازگی لشکر ءِ گاڑی ءَ گوں ٹرکے ءَ ڈیکر وارتگ ءُ چریشی ءَ یک ایف سی ھوالدار ءِ مرتگ ءُ بیست ءُ ھپت کارمند زدگ بوتگ انت –

مکران ہائی وے پولیس ءِ رِد ءَ مکران کوسٹل ہائی وے ءَ پھازگی لشکر ءِ گاڑی ءَ گوں ٹرکے ءَ ڈیکر وارتگ، وئیل ءَ ایف سی پوج ءِ ھوالدار بادشاہ خان ھما دمان ءَ مرتگ –

پولیس ءِ رِد ءَ وئیل اورماڑہ ءِ دمگ سربٹ ءَ دیم ءَ اتکگ – پولیس ءِ رِد ءَ ٹرک ءَ پوج ءِ گاڑی چہ پُشتی نیمگ ءَ ڈیکر کتگ –

وئیل ایف سی ءِ ھوالدار بادشاہ خان ھما دمان ءَ مرتگ وھدیکہ ایف سی ءِ دگہ بیست ءُ ھپت زدگ بوتگ انت کہ اورماڑہ دمان جاہ ءَ برگ بوتگ انت –