دی بلوچستان پوسٹ اھوال پترءَ سر بیتگیں ھالانی ردءَ بلوچستان ءِ دمگ نوشکی ءَ چہ 8 سال پیسر بیگواہ بیتگیں مردم یل بیتگ ءُ وتی لوگ ءَ سر بیتگ۔
یل بیتگیں مردم در خان مری 2015 ءَ چہ نوشکی ءَ دگہ ھپت مردمانی پجیگ ءَ پاکستانی لشکریانی دستءَ دزگیری ءَ پر بیگواہ بیتگ اَت کہ ھشت سالاں پد یل بیتگ ءُ وتی لوگ ءَ سربیتگ۔
زانگ بہ بیت در خان مری ءَ گوں بیگواہ بیتگیں دگہ مردم جتاھیں وھدانی تہءَ یل بیتگ ءُ وتی لوگاں سربیتگ اَنت کہ اشانی تہءَ شہزاد لانگو، دولت حسنی، مزار ءُ دگہ ھوار بیتگ اَنت۔
یل بیتگیں مردمانی تہءَ وھدے شہزاد لانگو دیما آرگ بیتگ اَت آ ترندیں شدت ءِ سوب ءَ وتی ذھنی ھمتنگی ببا داتگ اَت۔