روس ءِ دستیگ کنگ ءَ پد یوکرین ءِ پوج ءَ باخموت ءِ انگیر کنگ ءِ ٹاہ داتگ

یوکرین اسٹریٹیجک ءِ درگت ءَ یک جوانیں شھر باخموت ءِ سر ءَ روس ءِ دستیگی ءَ پد کئیف ءِ لشکر ءَ یک رندے پد ءَ شھر وتی انگیر ءَ کنگ بندات کتگ-

ھال سر کنوکہں روئٹرز ءِ رد ءَ یوکرین مزنیں اگدوداریں جنرلے ءَ گوشتگ باخموت ءِ یک بھرے داں انگت ءَ دستیگی ءِ توک ءَ اِنت کہ آیاں شھر ءِ توک ءَ راھانی پچ کنگ ءِ کرد ءَ پیلو کنت اِنت ءُ چریشی ءِ جاورھال ھک ءَ مٹ بنت اِنت-

زانگ بہ بیت پانزدہ ءِ ماہ ءِ جنگ ءَ پد روس ءَ شمبے ءِ روچ ءَ باخموت ءِ دستیگ کنگ ءِ جار جتگ ات-

روس ءِ اے مزنیں سومبندی ءَ سروک ولادیمیر پوتن ءَ وتی راجی پوج ءُ پیراملٹری ویگنز گروپ ءِ ورنایانی ستاشانی کتگ بیتگ-

یوکرین ءِ جنرل الیکزانڈر سیرسکی ءَ چاگردی ویب سائٹ ٹیلی گرام ءَ پوسٹ کنان ءَ گوشتگ کہ کئیف ءِ پوج باخموت ءِ نیمگ ءَ جنزان اَنت ءُ شھر ءِ کش ءُ گوراں انگیر کنگ ءَ اِنت-

کمانڈر اولیکزانڈر سیرسکی ءَ گوشتگ باخموے ءِ نزیک ءَ فرنٹ لائن ءِ تر ءُ تاب کتگ ءُ بازیں جنگ برجاہ اِنت-

یوکرین ءِ وزیر فاع خنا مالیار ءَ ھم وتی پوج ءِ روگ باخموت ءِ نیمگ ءَ پیشگامی کنگ ءِ ھال راست کتگ-

وزیر دفاع ءَ گوشتگ مئے پوج ءَ شھر ءِ نیم بھر دستیگی ءِ توک ءَ کتگ مئے واستا دشمن ءِ تباہ کنگ ءِ اے یک وھدے – دشمن ءَ شھر ءِ ھما بھرانی سر ءَ وتی پھریزی کنگی اِنت کہ آئی ءِ دستیگی ءِ توک ءَ اَنت –

خنا مالیار ءَ گوشتگ یوکرین ءِ لشکر انی ھم باخموت ءَ باپاری ءُ بنکی اسراتی پھریز ءَ کنگ ءَ اَنت-

یوکرین ءِ لشکر ءِ نیمگ ءَ شنگ بیتگیں درشان ءَ گوشگ بیتگ کہ گوستگیں بیست ءُ چار ادارانی توک ءَ روس ءَ باخموت ءِ کش ءُ گوری زوراکی کم نہ کتگ انت شھر ءُ ایوانفکسی نامیں میتگے ءِ سر ءَ برزی اُرز برجاہ اَنت-

یکشمبے ءِ روچ ءَ روس ءِ پیراملٹری فورس ءِ ویگنر گروپ ءِ سروک یوفگینی پریگوژن ءَ ٹیلی گرام ءَ یک آڈیو کلوھے ءَ گوشتگ آیانی سرجم بیتگ آیوکیں لھتے روچانی توک ءَ ویگنز ءِ جنگ آماچیں جاھاں یلو کن این-

آئی ءَ گوشتگ کہ ھما دمگاں دستیگی ءِ زبان کتگ بیتگ اے درستاں گڈی سینٹی میٹر ءَ داں دستیگی ءَ گر ایں اے جاھاں روس ءِ وزارت ءِ دست ءَ دیگ ءَ ایں ءُ بیست ءُ پنچ مئی ءَ جنگ آماچیں جاھاں یلو کن ایں –