آئی پی ایل 2023: راجستھان ءَ پنجاپ ءِ دیم ءَ چار وکٹاں گوازی کٹ اِتگ

انڈین پریمئیر لیگ ءِ شست ءُ ششمی گوازی راجستھان رائلز ءُ پنجاپ کنگز ءِ میان ءَ کنگ بوتگ کہ راجستھان رائلز ءَ چار وکٹاں گوازی کٹ اِتگ –

راجستان ءُ پنجاپ ءِ میان ءَ بوتگیں گوازی ءَ راجستھان ءَ ٹاس کٹ اِتگ ءُ اولسر ءَ بالنگ کنگ ءِ شور کتگ – پنجاپ ءَ اولسر ءَ بیٹنگ کنان ءَ بیست اوورانی تہ ءَ پنچ وکٹانی تاوان ءَ یکسد ءُ ھشتاد ءُ ھپت رنانی ٹارگٹ ایرکتگ – کہ اے ٹارگٹ راجستھان ءَ نوزدھمی اوور ءِ چارمی بال ءَ پروشتگ ءُ گوازی کٹ اِتگ –

پنجاپ ءِ نیمگ ءَ درساں گیشتر سیم کرن ءَ چِل ءُ نُھ، جتیش ءَ چِل ءُ چار ءُ شاہ رخ ءَ چِل ءُ یک رن جوڈ کتگ –

پہ ٹارگٹ ءِ پروشگ ءَ راجستھان ءِ لیبیاں جوانی ءَ گوازی کنان ءَ شش وکٹانی تاوان ءَ گوازی کٹ اِتگ – راجستان ءِ نیمگ ءَ.درساں گیش پاڈیکل ءَ پنجاہ ءُ یک، جیسوال ءَ پنجاہ ءُ شیمرون ءَ چِل ءُ شش رن جوڈ کتگ –