بلوچ کونسل پنجاب شھدربرجاہ ءِ جارکش ءَ وتی شنگ کُتگیں درشانے تہءَ کہ گُشتگ کہ پیسرءَ اسلامی جمعیتِ طلبا ءِ ناشرکارانی نیمگ ءَ بے میاریں بلوچ نودربرانی کوٹیانی سرءَ اُرش کنگ ءُ آ شدت ءِ نشانگ جوڑ جنگ بیتگ اَنت ءُ وھدیکہ بلوچ نودربراں وتی رکینگ ءِ جھد کتُگ گُڑءَ شھدربرجاہ ءِ واکدار ءُ پنجاب پولیس ءِ نیمگ ءَ بلوچ بئیگ ءِ پدءَ درستیں نودربرانی دزگیر کنگ بندات کُت۔ چدوپیسر ھم ما دستگ کہ نسل ءِ بنیات ءَ ھمک وھدءَ واکدار ءُ پنجاب پولیس جمعیت ءِ ھمراھی ءَ اوشتوگ بیتگ۔
“داں انچوکہ کہ اسلامی جمعیتِ طلبا ءِ ناظمین وتی ھمراہ کُتگ اَنت ءُ جناع نادراھجاہ ءَ چہ ٹپیگیں بلوچ نودربر ھم دزگیر کُتگ اَنت، کہ اِشانی تہءَ یک نودربرئے ھون یکشل ءَ ریچگ ءَ اِت اَنت ءُ آئی ءَ پَچ ءِ گزر بیتگ۔اسلامی جمعیتِ طلبا ءِ ناشرکارانی شدت ءِ سوب ءَ مئے دہ ءِ کچ ءَ نودربر ٹپی اَنت ءُ بازیں بے میاریں نودربر پولیس ءَ دزگیر کتُگ اَنت۔”
جارکش ءَ گُشتگ مارءَ تُرس اِنت کہ ٹپی ایں نودربراں پولیس ءِ نیمگ ءَ گیشتر لٹ شاپیءِ نشانگ کنگ بئیگ ءَ اِنت، کہ چریشی آیانی زندمان ھترہ ءِ تہءَ اِنت۔ ما دزبندی کنیں کہ مئے درستیں نودربر زیت ءَ زیت یل کنگ بہ بنت ءُ اسلامی جمعیتِ طلبا ءِ ناشرکاریں مردماں دزگیر کنگ ءُ بلوچ نودربرانی نسلی بنیاتانی سرءَ ھراسمنٹ ءُ پروفائلنگ بند کنگ بہ بیت۔