چہ بلوچستان ءِ دمگ ہرنائی ءَ ھمے ھال آیگ انت کہ پولیس ءَ بیگواھیں دوازدہ سالی زھگے چہ سوبائی وزیر نور محمد دمڑ ءِ گِس ءَ یل کنائیں اِتگ –
پولیس ءِ رِد ءَ ہرنائی ءِ دمگ شاھرگ ءِ جھمنندے ءَ پولیس ءِ گور ءَ ارزی نبشتہ کنائیں اِتگ کہ آئی ءِ برات گل محمد ء عبدالمالک ءَ ماھے ءُ پانزدہ روچ ءَ ساری چہ گِس ءَ زھر کُتگ ءُ در اتکگ کہ ھما انت گار بوتگ –
پولیس ءِ رِد ءَ پولیس ءَ ھمے ھال سر بوتگ کہ گاریں زھگ سوبائی وزیر ءِ بنگلو ءَ بندیگ انت – پولیس ءَ گامگیج زرتگ ءُ زھگ یل کنائیں اِتگ ءُ دو مردم دزگیر کتگ انت –
یل بوتگیں زھگ ءَ پولیس ءِ گور ءَ اے ھم گوشتگ مردماں مناں بیست روچ ءَ تاں بندیگ کتگ ءُ منی گوم ءَ جنسی زیادتی ھم کنگ بوتگ –