روکپتی بلوچستان ءِ دمگ ھاش ءَ ناشناسیں مردمانی تیرگواری ءَ ھاش ءِ مسیت آدینگ ءِ پیش امام ءِ زھگ بیران بیتگ-
بیران بیتگین ورناہ ءِ پجار ھماد ریکی ء مولانا مھمد عثمان ءِ نام ءَ زانگ بیتگ –
اھوالانی تہ ءَ گوشگ بیتگ کہ ھماد وتی کھول ءِ ھمراھی ءَ دیم پہ ایرانشھر ءَ روگ ءَ بیتگ کہ راہ ءَ سرلاپ ءَ ناشناساں تیرانی آماچ کتگ ءُ زدگ کتگ ءُ چریشی ءَ پد آئی ءَ را نادراہ جاہ ءَ برگ بیتگ اَنت کہ راہ ء نیم گور ءَ آئی ءَ وتی ساہ داتگ اَنت-
اھوالانی تہ ءَ گوشگ بیتگ ھماد ءِ پت مولوی مھمد عثمان ھاش ءِ مزنیں مسیت ءِ پیش امام اِنت کہ آئی ءَ ایرانی سرکار ءِ سر ءَ بازیں وھدے بیت ایراد گپتگ بیتگ-