پنجاب ءَ رؤکیں گیس ٹینکر بمب ءَ نشانگ کنگ ءِ زمہ واری بی ایل ایف ءَ منّ اِتگ

بلوچستان لبریشن فرنٹ ءِ جارکش میجر گْوھرام بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ مئے سرمچاراں گوادر پورٹ ءَ چہ پنجاب ءَ رؤکیں گیس ٹینکر ریموٹ کنٹرول بمب ءَ گوں نشانگ کتگ-

آئی ءَ گْوشتگ کہ سرمچاراں گوستگیں روچ ءَ نیم روچ ءِ ساھت سے ءَ مکران کوسٹل ھائی وے سر ءَ گوادر ءِ دمگ معکولہ ءِ ھند ءَ یک پُھلے سر ءَ بمب پٹ کتگ ءُ گیس رؤکیں بروکیں ٹینکر نشانگ کتگ چریشی ءَ چہ ٹینکر ءُ پُھل دوئیں تباہ کتگ اَنت-

جارکش رِد ءَ اے ٹینکر گوادر پورٹ ءَ چہ ایل این جی ءُ ایل پی جی زرتگ ءُ پاکستان ءِ جتاجتائیں دمگاں سر کن اَنت- اے پُلپانچیں شوربندی ءِ بھر اَنت چریشی ءِ درگت ءَ پاکستان ءَ دومی چہ ڈیھاں مھاد کنگ بیتگ اَنت- چین پاکستان اکنامک کوریڈور ( سی پیک) ریکوڈک ءُ سیندک شوبند ھمے پُلپانچیں شوربندیانی بھر اَنت- بلوچ راج ءِ مرزی ءَ چہ اَبید ھرکس ءَ کار ءُ بار کت گُڑا وتی سرجمیں تاوانانی زمہ وار وت بنت-

آئی ءَ گْوشتگ کہ ما سرجمیں ٹرانسپورٹراں مکن کن ایں آ بلوچستان ءَ پاکستان ءِ پُلپانچیں شوربندیاں وتی گاڑیاں کارمرز کنگ ءَ پھریز بکن اَنت-

بی ایل ایف اے اُرش زمہ واری ءَ منّ اِیت ءُ اے اُرش بلوچستان ءِ وتواجھی ءَ تاں برجاہ بنت-