آئی پی ایل 2023: یکسد ءُ ھپتاد ءُ نھ ٹارگٹ ءَ ابید ھم پنجاپ ءَ پنچ وکٹاں پروش وارتگ

انڈین پریمئیر لیگ ءِ شانزدھمی سیزن ءِ پنجاہ ءُ سیمی گوازی پنجاپ کنگز ءُ کولکاتہ نائٹ رائیڈر ءِ میان ءَ ماں ایڈن گارڈنز ءَ کنگ بوتگ کہ پنجاپ کنگز ءَ اولسر ءَ بیٹنگ کنان ءَ شیکھر دھون ءِ نیم سنچری ءِ بدولت ءَ بیست اووراں ھپت وکٹانی تاوان ءَ یکسد ءُ ھپتاد ءُ نھ رن جوڈ کتگ – پنجاپ ءِ نیمگ ءَ کپٹن شیکھر دھون ءَ نیم سنچری کت کہ آئی چِل ءُ ھپت بالاں پنجاہ ءُ ھپت رن جوڈ کتگ – دومی نیمگ ءَ پربھسمرن ءَ دوازدہ رن جوڈ کتگ ءُ آؤٹ بوتگ آئی ءَ پد بھانوکا ءَ رن ءِ جند جوڈ نہ کتگ ءُ چارمی نمبر ءَ لیام لیونگسٹن ءَ نُھ بالاں پانزدہ رن جوڈ کتگ ءُ آؤٹ بوتگ – شیکھر ءَ گوازی تاں گڈ سر ءَ سر کتگ ءُ پدا مزنیں شاٹ جتگ ھمے میان ءَ جتیش ءَ ھژدہ بالاں بیست ءُ یک رن جوڈ کتگ ءُ آؤٹ بوتگ – سیم کرن ءَ چار ءُ رشی ءَ نوزدہ رن جوڈ کتگ ءُ وررون ءِ دست ءَ آؤٹ بوتگ انت – گڈسر ءَ شاہ رخ خان ءَ ھشت بالاں بیست ءُ یک رن جوڈ کتگ ءُ ہرپریت برار نھ بالاں بیست ءُ یک رن جوڈ کتگ –

ٹارگٹ پروشگ ءَ پہ کوکاتہ نائٹ رائیڈر ءَ گڈی بال ءَ گوازی کٹ اِتگ – کپٹن نتیش ءَ سِی ءُ ھشت بالاں پنجاہ ءُ یک رن جوڈ کتگ – اے سوبمندی ءِ ھمراھی ءَ کولکاتہ ءِ ٹیم یانزدہ گوازیانی تہ ءَ پنچ گوازیانی کٹگ ءِ سوب ءَ پوئنٹس ٹیبل ءِ تہ یَ پنچمی نمبر ءَ سر بوتگ وھدیکہ پنجاپ ءَ یانزدہ گوازیاں تہ ءَ پنچ گوازی کٹ اِتگ انت –