بلوچ لبریشن آرمی ءِ جارکش جیئند بلوچ ءَ رسانکدراں شنگ کُتگیں درشانے تہ ءَ گُشتگ کہ مئے سرمچاراں گوستگیں شپ ءَ کلات ءَ چہ نزیکیں شھر گراڑی ءِ ھند ءَ مادن بروکیں یک گاڑی ءِ سلاہ بندیں اُرش ئے ءَ نشانگ کتُگ کہ اِشی تہءَ گاڑی ءَ تاوان رستگ۔
جارکش ءَ گشتگ کہ بی ایل اے ءِ سرمچاراں ھمے گاڑی ءِ ڈرائیور ءُ کلینر بیھار دیگ ءَ پد یل کتُگ اَنت وھدیکہ گاڑی ءِ ٹائر ءُ انجن ءِ سر ءَ تیر گواری کُتگ ءُ بیکار کُتگ اَنت۔
آئی ءَ گیشتر گُشتگ کہ ما گیشینگ لوٹیں کہ بلوچستان ءَ چہ آسراتی برگ ءِ کِس ءَ پرمان نہ دئیں۔ قوضہ گیریں پاکستان ءِ پوجی ءُ سرکاری شرکتانی ھمراھی ءَ پُل پانچی شوربندیاں ھواریں شرکت بلوچ راجی مڈیانی لُٹ پُل ءَ چہ دزکَش بہ بنت اگں نہ آیاں ترندیں اُرشانی دیمپانی کنگ کپ ایت۔
آئی ءَ گُڈسرءَ گُشتگ کہ بلوچ لبریشن آرمی اے اُرش ءِ ذمہ واری ءَ من ایت۔ ما مادن بروکیں گاڑیانی ڈرائیور ءُ واھنداں تچکی ءَ گُشگ لوٹیں کہ آ چہ اے کردگار ءَ دیر بہ بنت اگں نہ آ وتی جانی ءُ مالی تاوانءِ ذمہ وار وت بنت۔