بلوچستان ءِ دمگ کلات ءَ شال ءُ کراچی ءَ رولیں شھدگ ءِ سر ءَ گرانی ھند ءَ گوستگیں شپ ءَ ناشناسین مردماں سنگ مرمر بروکیں ٹریلر گاڑیانی سر ءَ تیرگواری کتگ، تیرگواری ءِ آسر ءَ گاڑیانی ٹائر ترک اتگ اَنت-
ٹریلر چہ اوگانستان ءَ دیم پہ کراچی ءَ سنگ مرمر برگ ءَ بیتگ اَنت-
پولیس ءِ بنشون ءِ رد ءَ سلاہ بندیں مردماں تیرگواری ءَ پیسر ڈرائیور ءُ کلینر چہ گاڑیاں ایر گپتگ اَنت- سلاہ بندیں مردماں پشت مانداتگ ءُ شتگ اَنت ءُ پولیس گیشین پٹ ءُ پول کنگ ءَ اِنت-