آئی پی ایل 2023: چنئی سپر کنگ ءَ شش ءُ دھلی کیپیٹل ءَ ھپت وکٹاں گوازی کٹ اِتگ انت

انڈین پریمئیر لیگ ءِ چِل ءُ نھمی ءُ پنجاھمی گوازی ممبئی انڈین ءُ سی ایس کے، رائل چیلنجر بنگلور ءُ دھلی کیپیٹل ءِ میان ءَ کنگ بوتگ انت کہ کہ چنئی ءَ شش ءُ دھلی کیپیٹل ءَ ھپت وکٹاں وتی گوازی کٹ اِتگ انت –

اولی گوازی ممبئی ءُ چنئی ءِ میان ءَ کنگ بوتگ ءُ دومی دھلی ءُ بنگلور ءِ میان ءَ کنگ بوتگ اولی گوازی ءَ ممبئی ءَ بیست اوورانی تہ ءَ بس یکسد ءُ سِی ءُ نُھ رن جوڈ کتگ کہ آ چنئی ءَ ارزانی ءَ ھبدہ اووراں گپتگ – دومی گوازی بنگلور ءَ دھلی ءِ دیم ءَ یکسد ءُ ھشتاد ءُ دو رنانی ٹارگٹ ایر کتگ کہ دھلی ءَ سَے وکٹانی تاوان ءَ ہروشتگ –

اولی گوازی ءَ ٹاس چنئی ءَ کٹ اِتگ بلے اولسر ءَ بالنگ کتگ – ممبئی ءِ نیمگ ءَ نیہال ءَ پنجاہ ءُ یک بالاں شست ءُ چار رن جوڈ کتگ ، سوریہ کمار ءَ آئی ءِ ھمراہ داری کنان ءَ بیست ءُ دو بالاں بیست ءُ شش ءُ ٹرسٹن ءَ بیست ءُ یک بالاں بیست رن جوڈ کتگ – اے سئیں لیبیاں ابید دگہ کس ءَ ھپت ءَ گیش رن جوڈ نہ کتگ ءُ ٹیم ءَ بیست اوورانی تہ ءَ ھشت وکٹانی تاوان ءَ یکسد ءُ سِی ءُ نُھ رن جوڈ کتگ –

چنئی ءِ نیمگ ءَ ریتوراج ءَ بس شانزدہ بالاں سِی رن جوڈ کتگ ءُ اجنکیا ءَ ھبدہ بالاں بیست ءُ یک رن جوڈ کتگ اشاں ابید ڈیوڈ چِل ءُ دو بالاں چل ءُ چار رن جوڈ کتگ – پدا رند ءَ شیوم اتکگ کہ آئی ءَ ھژدہ بالاں بیست ءُ شش رن جوڈ کتگ ءُ ناٹ آؤٹ بوتگ ءُ امباتی ءَ یانزدہ بالاں دوازدہ رن جوڈ کتگ – ھمے وڈ یکسد ءُ چِل رنانی ٹارگٹ چنئی ءَ چار وکٹانی تاوان ءَ ھبدھمی اووور ءَ پروشتگ ءُ گوازی وتی نام ءَ کتگ –

دومی گوازی ءِ ٹاس بنگلور ءَ کٹ اتگ ءُ اولسر ءَ بیٹنگ کتگ – بنگلور ءَ بیست اووراں چار وکٹانی تاوان ءَ یکسد ءُ ھشتاد ءُ یک رنانی ٹارگٹ ایرکتگ – ٹیم ءِ نیمگ ءَ وراٹ ءَ چِل ءُ شش بالاں پنجاہ ءُ پنچ ءُ فاف ءَ سِی ءُ دو بالاں چِل ءُ پنچ رن جوڈ کتگ – گلین ءَ رن ءِ جند جوڈ کت نہ کتگ ءُ مہیپال جوڈ بیتگ کہ آئی ءَ بیست ءُ نھ بالاں پنجاہ ءُ چار رن جوڈ کتگ ءُ ناٹ آؤٹ بوتگ ءُ گڈسر ءَ انوج ءَ سَے بالاں ھشت رن جوڈ کتگ ءُ ناٹ آؤٹ بوتگ –

دھلی ءِ نیمگ ءَ ڈیوڈ ءَ چاردہ بالاں بیست ءُ دو رن جوڈ کتگ ءُ رن آؤٹ بوتگ بلے فل سالٹ ءَ گوازی شری ءَ داشتگ ءُ آئی ءَ چِل ءُ پنچ بالاں ھشتاد ءُ ھپت رن جوڈ کتگ وھدیکہ آ آؤٹ بوتگ گڈا ٹیم ءِ کٹگ ءَ بس یانزدہ رنانی لوٹ کپتگ – مشیل ءَ سالٹ ءِ جوانی ءَ ھمراہ داری کنان ءَ ھبدہ بالاں بیست ءُ شش رن جوڈ کتگ- مارش ءَ پد ریلی روسو ءَ آئی ءِ ھمراھداری کتگ ءُ بیست ءُ دو بالاں سِی ءُ پنچ رن جوڈ کتگ ءُ ناٹ آؤٹ بوتگ گڈسر ءَ اکشر پٹیل ءَ سَے بالاں ھشت رن جوڈ کتگ ءُ ناٹ آؤٹ بوتگ ءُ وتی ٹیم کٹاریں اِتگ ھمے وڈ دھلی ءَ شانزدہ اوورانی تہ ءَ سَے وکٹانی تاوان ءَ ٹارگٹ ہروشتگ ءُ یکسد ءُ ھشتاد ءُ ھپت رن جوڈ کتگ –