آئی پی ایل 2023: کے کے آر ءَ سن رائزر ءِ دیم ءَ پنچ رناں گوازی کٹ اِتگ

انڈین پریمیئر لیگ ءِ چِل ءُ ھپتمی گوازی ءَ کولکاتہ نائٹ رائیڈر ءَ سن رائزرس حیدرآباد پنچ رناں پروش داتگ ءُ گوازی وتی نام ءَ کُتگ –

گوستگیں لھتے گوازیاں کے کے آر ءَ جوانیں گوازی پیش نداشتگ اے ٹیم ءَ گوستگیں شش گوازیانی تہ ءَ بس یک گوازی ءِ کٹ اِتگ – اے سیزن ءِ چِل ءُ ھپتمی گوازی ءَ اولسر ءَ بیٹنگ کنان ءَحیدر آباد ءِ دیم ءَ یکسد ءُ ھپتاد ءُ دو رنانی ٹارگٹ ایرکتگ – حیدرآباد ءِ نیمگ ءَ لیبی ہینرک کلاسن ءُ کپٹن ایڈن ءَ وتی ٹیم ءِ کٹارینگ ءِ ڈبہ وتی کوپگاں زرتگ بلے ھردو لیبیانی وکٹانی کپگ ءَ ٹیم سرین پروش بوتگ –

کے کے آر ءِ لیبیاں جوانی ءَ بالنگ کنان ءَ حیدر آباد ءِ سد اسکور ءِ سر ءَ چار بیٹسمین آؤٹ کتگ انت کہ چدوپد کپٹن ایڈن اتکگ آئی ءَ چبل بالاں چِل ءُ یک رن جوڈ کُتگ ءُ دومی نیمگ ءَ ہینرک ءَ ھم بیست بالاں سِی ءُ شش رن جوڈ کتگ بلے اے ھردوکانی آؤٹ بوگ ءَ پد گوازی دیم ءَ نہ شُتگ –

حیدر آباد ءِ ٹیم ءِ کٹگ ءَ پہ گڈی اوور ءَ بس نُھ رن بچ اِتگ بوتگ کہ گڈی اوور ءَ چکروتی عبدالصمد آؤٹ کُتگ ءُ گوازی چہ حیدرآباد ءِ دست ءَ پچ گپتگ ءُ اے گوازی کے کے ار پنچ رناں کٹ اِتگ –

کے کے آر ءِ نیمگ ءَ نتیش ءَ چِل ءُ دو رن جوڈ کتگ وھدیکہ رنکو ءَ چِل ءُ شش بلے ھردو لیبی وتی نیم سنچری ءِ سرجم کنگ ءَ بے سوب بوتگ انت اے دؤئیناں ابید جیسن ءَ بیست، آندرے ءَ بیست ءُ چار، شاردل ءَ ھشت، انوکول ءَ سینزدہ ءُ وینکٹیش ءَ ھپت رن جوڈ کتگ –

پہ کولکاتہ ءِ ھاتر ءَ ویبھو ءُ شاردل ءَ دودو وکٹ گپتگ وھدیکہ ہرشت رانا، آندرے رسل، وروون چکروتی ءَ یک یک لیبی ءِ آؤٹ کتگ –