ھشت سال ساری زورانسری آوار جنگ بوتگیں نوید لانگو ھنگت یل کنگ نہ بوتگ – کھول
بلوچستان ءِ دمگ کلات منگچر ءَ ھشت سال ساری زورانسری آوار جنگ بوتگیں نوید احمد ء سید محمد لانگو ھنگت یل کنگ نہ بوتگ –
نوید احمد لانگو جھمنند ملنگزئی ءِ کھول ءِ رِد ءَ نوید احمد لانگو ھشت سال ساری پانزدہ اپریل دوھزار پانزدہ ءَ پاکستانی پوج ءَ چہ منگچر ءِ بازار ءَ دگہ چار سنگتانی ھمراھی ءَ آوار جتگ ءُ بیگواہ کتگ انت –
کھول ءِ رِد ءَ سَے روچ ءَ پد پوج ءَ نوید احمد لانگو ءِ دو سنگت یل کنگ بوتگ انت وھدیکہ نوید احمد لانگو یک دگہ سنگتی ءِ ھمراھی ءَ ھنگت بیگواہ انت ءُ آئی ءِ درگت ءَ ھچ وڈیں سرپدی نیست –
کھول ءَ انسانی ھکانی گلاں گوں لوٹ کتگ کہ نوید احمد لانگو ءِ یل کنگ ءِ درگت ءَ توار چست بہ کن انت تانکہ آئی ءِ در کانودی ءُ در انسانی زورانسری آوارجنگ بوتگیں یل بہ بنت –