آئی پی ایل 2023: رائل چیلنجر بنگلور ءَ لکھنو سپر جائنٹس ءِ دیم ءَ ھژدہ رناں گوازی کٹ اِتگ –

انڈین پریمئر لیگ ءِ شانزدھمی سیزن ءِ چِل ءُ سیمی گوازی آر سی بی ءُ ایل ایس جی ءِ میان ءَ کنگ بوتگ کہ آر سی بی ءَ یکسد ءُ بیست ءُ شش رن ءِ ٹارگٹ داتگ ءُ گوازی کٹ اِتگ

لکھنو ءِ ٹیم ءَ نوزدہ اوور ءُ پنچ بالاں یکسد ءُ ھشت رن جوڈ کتگ ءُ ٹارگٹ ءِ پروشگ ءَ بے سوب بوتگ انت – اے آر سی بی ءِ نھمی گوازی ءُ پنچمی پروش انت وھدیکہ لکھنو ءِ نھ گوازیاں چارمی پروش انت – اے سیزن ءِ تہ ءَ دومی رند بوتگ کہ اے ٹیم دیم پہ دیم بوتگ انت – اولی گوازی ءَ سپر جائنٹس ءَ آر سی بی پروش داتگ –

یکسد ءُ بیست ءُ ھپت رنانی ٹارگٹ ءب پروشگ ءَ پہ لکھنو ءِ بندات جوان نہ بوتگ اولی اوور ءِ دومی بال ءَ کائل میئرز کیچ اؤٹ بوتگ کہ پدا گلین ءَ کرونال وراٹ کوہلی ءِ دست ءَ کیچ کنائیں اِتگ کہ کرونال ءَ چاردہ رن جوڈ کتگ بوتگ – پدا رند ءَ بیست ءُ یکمی اوور ءَ آیوش بدونی ءُ بیست ءُ ھپتمی اسکور ءَ دیپک ءِ وکٹ کپتگ انت – بدونی ءَ چار ءُ دیپک ءَ یک رن ءِ جوڈ کتگ – نکولس ءَ ھم جوانیں گوازی پیش نہ داشتگ ءُ لکھنو ءِ سِی ءُ ھشت اسکور سر ءَ پنچ وکٹ کپتگ انت – اسٹوئس ءَ نوزدہ بالاں سینزدہ رن جوڈ کتگ وھدیکہ گوتم ءَ سینزدہ بالاں بیست ءُ سَے رن جوڈ کتگ ءُ رن آؤٹ بوتگ –

چدو پیسر اولسر ءَ بیٹنگ ءَ آر سی بی ءَ نُھ وکٹاں یکسد ءُ بیست ءُ شش رنانی ٹارگٹ داتگ – لیگ اسپنر بشنوئی ءَ دو اووراں بیست ءُ یک، امت مشرا ءَ دو اووراں بیست ءُ یک، آف اسپنر گوتم ءَ یک اوورے ءَ دھ ءُ کرونال پانڈیا ءَ سینزدہ اووراں بس ھپتاد ءُ سَے رن داتگ ءُ پنچ وکٹ گپتگ –

بلے پدا ھم ٹیم ءِ سوبمند تریں بالر بوین الحق بوتگ کہ آئی ءَ سِی رن داتگ ءُ سَے وکٹ گپتگ –