گوادر: آرٹسٹ شاہینہ رشید ءَ وت ءَ نیپال ایگزی بیشن ءَ سر کتگ

بلوچستان ءِ تیاب دپی دمگ گوادر ءَ سیادی داروکیں آرٹسٹ شاہینہ رشید نیپال ءَ سربوتگ –

نیپال ءَ سی او سی اے پی آرگنائزیشن ءِ چیردستی ءَ برزی تبک ءِ آرٹ ایگزبیشن ءِ برجم دارگ بوتگ کہ اودا آھانی پینٹنگ پیش دارگ بوتگ انت-

گیشیں ھالانی رِد ءَ نیپال ءَ سی او سی اے پی ارگنائزیشن ءِ چیر دستی ءَ یک برزی تبک ءِ آرٹ ایگزبیشن ءِ برجم دارگ بوتگ کہ اودا چہ گوادر ءَ سیادی داروکیں آرٹسٹ شاہینہ رشید ھم پہ بھر زورگ ءَ گوشگ بوتگ، اے ایگزبیشن ءَ آئی ءِ پینٹنگ ھم پیش دارگ بوتگ انت ءُ گوادر ءَ سیادی داروکیں آرٹسٹ شاھینہ رشید ءَ پینٹنگ آنی سک باز ستا ھم کنگ بوتگ –

شاہینہ رشید گوادر ءِ نامداریں آرٹسٹے ءَ ھوار گوادر ڈیویلوپمنٹ اتھارٹی (جی ڈے اے) اسکول ءَ فائن آرٹس ءِ ماسٹر ءِ ھم ءُ اشی ءِ ھمراھی ءَ گوادر ایجوکیشنل ویلفئر سوسائٹی (جیوز) ءِ آرٹ گلیری ءَ کے بی فراق ءِ سروکی ءَ انسٹرکٹر کلاس ھم گپت کہ اودا آرٹ سکارینیت –

اشی ءَ ابید گوادر ڈیولوپمنٹ اتھارٹی ءُ جیوز ءَ چاگردی ترامجاہ ءَ وتی آفیشل اکاؤنٹانی تہ ءَ شاہینہ رشید ءِ ماں نیپال ءَ روگ ءُ بلوچستان ءُ گوادر ءِ نمائندگی کنگ ءِ ھاتر ءَ آ دلبڈی داتگ ءُ اے ھم گوشتگ کہ آئی ءِ اودا رؤگ پہ جی ڈی اے ءُ جیوز ءُ پہ گوادر ءَ پھر ءُ شان اِنت –