آئی پی ایل 2023: سن رائزرس حیدرآباد ءَ دھلی کیپیٹل ءِ دیم ءَ نُھ رناں گوازی کٹ اِتگ

آئی پی ایل شانزدھمی سیزن ءِ چِلمی گوازی ارون جیٹلی کرکٹ گوازی پٹ ءَ کنگ بوتگ کہ ایڈن مارکرم ءِ ٹیم ءَ ڈیوڈ وارنر ءِ ٹیم دھلی کیپٹلز پروش داتگ – یکسد ءُ نود ءُ ھشت ٹارگٹ پروشگ ءَ پہ دھلی کیپٹلز ءِ ٹیم ءَ شش وکٹانی تاوان ءَ بس یکسد ءُ ھشتاد ءُ ھشت رن جوڈ کت کتگ – دھلی ءَ نھ رناں پروش وارتگ – اے سیزن ءِ تہ ءَھیدرآباد ءِ ھشت گوازیانی تہ ءَ آئی ءِ سیمی سوبمندی انت – دھلی نیمگ ءَ مچیل مارش ءَ جوانی ءَ گوازی کنان ءَ اولسر ءَ بالنگ کنان ءَ چار وکٹ گپتگ ءُ پدا رند ءَ بیٹنگ ءَ سِی ءُ نھ بالاں شست ءُ سَے رن جوڈ کتگ -.

پہ ٹارگٹ ءِ پروشگ ءَ دھلی بندات جوان نہ بوتگ اولی اوور ءَ کپٹن ڈیوڈ ءِ وکٹ کپتگ کہ آ بھونیشور ءَ بولڈ کتگ بلے پدا رند ءَ فل سالٹ ءُ مچیل مارش ءَ یکسد ءُ دوازدہ رن ھواری ءَ جوڈ کتگ – سالٹ ءَ سی ءُ پنچ بالاں پنجاہ ءُ نھ رن جوڈ کتگ ءُ آؤٹ بوتگ وھدیکہ مارش ءَ شست ءُ سَے رن جوڈ کتگ – اشی ءَ ابید سرفراز خان ءَ نُھ ءُ منشین یک رن ءِ جوڈ کنگ ءَ پد آؤٹ بوتگ –

حیدرآباد ءِ نیمگ ءَ مینک ءَ دو وھدیکہ بھووی، عقیل، نٹراجن ءُ ابھیشک ءَ یک یک وکٹ ءِ گپتگ –

چدوپسر سن رائزرس حیدرآباد ءِ نیمگ ءَ ابھیشیک ءَ سِی ءُ شش بالاں شست ءُ ھپت رم جوڈ کتگ ءُ ہینرک ءَ بیست ءُ ھپت بالاں پنجاہ ءُ سَے جوڈ کتگ ءُ ناٹ آؤٹ بوتگ ءُ حیدراباد ءَ شش وکٹانی تاوان ءَ یکسد ءُ نود ءُ ھپت رن جوڈ کتگ – ٹیم ءِ نیمگ ءَ عبدالصمد ءَ بیست ءُ یک بالاں بیست ءُ ھشت رن جوڈ کتگ –