ھُزدارءَ ریاستی کارندہ سر ءَ بمب اُرش زمہ واری بی ایل اے ءَ منّ اِتگ

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بلوچ لبریشن آرمی ءِ سرمچاراں گوستگیں شپ ءَ ھُزدار شھر ءَ جھالاوان کمپلیکس ءِ ھند ءَ زورگریں پاکستانی پوج ءُ چیریں ادارھانی جوڑ کتگیں ڈیتھ اسکواڈ کارندہ اسلم محمد زئی مینگل دستی بمب اُرش ءَ نشانگ کتگ چریشی ءَ آ ٹپی بیتگ-

جیئند بلوچ ءَ گْوشتگ کہ اسلم محمد زئی مینگل ءِ نائب ایں پُرکار بیتگ ءُ ھُزدار شھر کش گوراں بلوچاں نشانگ کنگ ءَ تچکی ءَ ھوار بیتگ – وھدے کہ اے کارندہ دکاندار دروشم ءَ وت ءَ چیر دیگ ءَ بیتگ-

جارکش ءَ دیمتر ءَ گْوشتگ کہ بلوچ لبریشن آرمی اے اُرش زمہ واری ءَ منّ اِیت- ما بلوچ راج ءَ چہ دزبندی کن ایں کہ دُژمن ءِ چاریگاں چہ گستا بہ بیت، آؤکیں وھداں مئے اُرش تُرندتر بنت –