سر بیتگیں اھوالانی رد ءَ کسرکند ءَ ھورانی سبب ءَ یک زالبولے کور ءِ آپ ءَ برتگ ءُ بڈینتگ-
گیشین ھالانی رد ءَ روکپتی بلوچستان ءَ گوستگیں روچ ءَ جتا جتائیں جاھاں ھوراں گوارگ بندات کرتگ ءُ چریشی ءَ کسر کند ءَ یک زالبولے آپ ءَ بڈینتگ ءُ برتگ –
اے وئیل گوستگیں روچ ءَ پیش اتکگ کہ اود ءَ یک کوردپے ءَ زالبولے ءِ پَس گٹ بیتگ اَنت ءُ پد ءَ زالبول وتی پسانی شوھاز ءَ بیتگ کہ دومی نیمگ ءَ کور ءِ آپ ءَ آئی ءِ راہ ءُ در گران کتگ ءُ آپ گیش بیتگ چریشی ءَ آپ ءَ بڈینتگ ءُ برتگ-
گوستگین روچاں مولم شناساں ھم اے جار پرینتگ بیتگ کہ مھلوک کور دپانی نیمگ ءَ ھیالداری بہ کنت اے توپانی ھور ءُ جمبری ءَ کورانی گیشین آپ مردمانی جان ءُ ساہ ءِ کشگ ءَ ھچ دیر نہ کن اَنت-