سوات: سی ٹی ڈی ءِ بنجل ءَ تراک ءِ پٹ ءُ پول، بیرانیانی کساس پانزدہ ءَ سر بیتگ اَنت

سوات ءِ دمگ کبل ءَ ھستیں سی ٹی ڈی پولیس اسٹیشن ءَ تراک ءَ پانزدہ کارندہ مرتگ اَنت ءُ بازیں کساسے ءَ زدگ بوگ ءِ ھال اِنت-

وائس آف امریکہ ءِ اھوالکار شمیم شاھد ءِ رد ءَ خیبر پختوانخواہ ءِ سرکار ءَ سوات ءِ ھیلتھ ایمرجنسی جاڑیگ کتگ ءُ دراھیں ڈاکٹر ءُ پیرامیڈیکل اسٹاف ءَ را جاڑیگ بوگ ءِ کڈنی کرتگ اَنت-

اھوالکار ءَ ریسکیو 1122 ءَ گوشتگ کہ زدگ بیتگین سیدو شریف نادراہ جاہ ءَ برگ بیتگ اَنت ءُ تراک ءَ پد پھزداراں دمگ انگیر ءَ کرتگ-

پاکستان ءِ واکداراں بنداتی اھوالاں پولیس ءِ درور دیان ءَ گوشتگ کہ تراک ناشرکاری اُرشے بیت کُت کنت داں انگت ءَ شمیم شاھد ءُ نزر الاسلام ءِ رد ءَ سوات ڈسٹرکٹ پولیس آفیسر ءَ نوکتریں اھوالاں گوشتگ کہ اے تراک ءَ تنی وھدی ھچ ناشری ءِ نشانی دز نہ کپتگ اَنت پولیس ءِ گوشگ اِنت بنجل ءِ تہ ءَ تراکناکیں شورو جاڑیگ بیتگ اَنت چریشی ءَ آیاں آس برتگ ءُ مزنیں تراکے بیتگ-

آئی ءِ گوشگ اِنت بدبھتی ءَ سی ٹی ڈی ءِ کوھنیں کارگس ءَ اے تراک بیتگ – من ھمود ءَ بیتگ ءُ آیگ ءَ اَنت سرزاھری ءَ اے وتکش یا ناشری اُرشے گندگ بوگ ءَ نہ اِنت ھمود ءَ سلاہ ایر بیتگ اَنت گمان ھمیش اِنت بے سدی ءَ تراک بیتگ – گڈی آسر درایگ ءَ نہ اِنت بلے اے بنداتی پٹ ءُ پول اِنت-

آئی ءَ گوشتگ تراک ءَ سی ٹی ڈی ءِ دو اگدودار مرتگینانی تہ ءَ ھوار اَنت-

’ایشانی توک ءَ سی ٹی ڈی ءِ آفیشل ءُ چار سویلین کُشگ بیتگ اَنت مئے ھژدہ آفیشل زدگ بیتگ اَنت‘-

داں انگت ءَ سر بیتگیں اھوالانی تہ ءَ زدگ بیتگینانی کساس چل ءُ سَے اِنت ءُ ھشت کسانی جاور ناگیگ گوشگ بوگ ءَ اَنت-

ریجنل بلڈ سنٹر سوات ءِ نادراہ جاھاں سرجمی ءَ ھون ءُ ھون ودینوکانی کڈنی کنگ بیتگ-

اُستانی واکدارانی رد ءَ سوات ءِ دراھیں نادراہ جاھان درمان یکجاہ کنگ بیتگ اَنت جانسلامتی ءُ پیرامیڈیکس ءِ کارکنوک ءُ شریں رنگے ءَ گر ءُ داری جاڑیگ اَنت-