بلوچستان: ائید خطبہ ءَ مُلا ءِ بگیری ءَ زھرشانی، ورنایاں واک آؤٹ کتگ

بلوچستان ءِ دمگ ژوب ءَ کسانیں ائید ءِ نماز ءَ ملا ءِ خطبہ ءِ سر ءَ ورنایاں زھرشانی کنان ءَ واک آؤٹ کتگ –

اھوالکار ہادی خان ءِ رِد ءَ آ ائید ءِ نماز ءِ وانگ ءَ پہ عیدگاہ ءَ شُتگ بوتگ –

آئی ءِ گوشگ انت کہ مُلا تران کنگ ءَ بوتگ کہ جنکانی وانینگ ھرام انت ءُ ٹائی ءِ گور ءَ کنگ ءِ ھم ھچ موکل نیست-

ھمے تران ءِ میان ءَ مُچی ءِ تہ ءَ ورنایے پاد اتکگ دلگوش گوں مُلا ءَ کُتگ ءُ کوکار کتگ کہ تو مردماں گمراہ کنگایے، تو اسلام ءِ ردیں امیج ءِ پیش کنگایے –

چریشی ءَ پد آئی ءَ ائید ءِ نماز نہ ونتگ ءُ در اتکگ کہ پدا رند ءَ دگہ بازیں مردمے ءَ ھمائی ءِ رندگیری کنان ءَ ڈن ءَ در اتکگ انت-